楊千嬅為囝囝演活「呂校長」

楊千嬅09年嫁給丁子高，三年後順利誕下「金叵羅」Torres（進諾）榮升做媽咪。正如特首話齋：「天下父母心，只有子女口中不是的父母，從來無父母口中不是的子女。」已為人母的千嬅為免將來遭Torres厭棄，就連演藝事業也跟這個身份拉上關係。最近她演出由真人真事改編的新戲《五個小孩的校長》，飾演「呂慧紅校長」，原來推動她接拍，除了故事正面感人，正正為了寶貝仔。

[img]http://www02.ktzhk.com/attachment.php?aid=726109&noupdate=yes&nothumb=yes[/img]

《頭條日報》專訪千嬅，原來她在傳媒報道「4500月薪幼稚園校長」新聞時已有留意這個故事。當導演關信輝聲淚俱下講故事大綱後，她毫不考慮接拍：「個故仔本身好感人，關信輝講到喊晒咁，我即刻問佢你有冇事架？原來佢同個個演員講故事大綱都會喊一次架！後尾巡例睇埋劇本就接啦！」

有子萬事足的千嬅，現已勁習慣將Torres掛在口邊，原來這不是口頭禪，做每件事之前她都有考慮過寶貝仔：「我覺得佢將來係會搵番晒我啲嘢嚟睇，佢會想睇吓我媽咪以前拍咗咩戲呢？所以而家揀戲真係再諗埋呢一層，唔想佢到時睇番唔知點諗，當然我以往都係好嚴格。」

[img]http://www02.ktzhk.com/attachment.php?aid=726110&noupdate=yes&nothumb=yes[/img]
為了這場戲千嬅差點跪玻璃要求工作人員陪她重拍

為了唔好衰畀阿仔睇，本身已很認真演出的她對自己要求更嚴格：「套戲最後畢業禮嗰場戲，我拍咗成日都覺得唔滿意，但導演佢哋收貨，但我返到屋企真係過唔到自己嗰關，打畀副導演問可唔可以重拍？但係嗰日係煞科前一日，即係要最尾一日補拍埋，我其實預咗對所有人跪玻璃，但係台前幕後都肯陪我拍過，真係好感動，成班人都好有心，係一次好難得嘅合作。」

戲中飾演「呂校長」的千嬅由頭帶到尾，大部分戲都要跟小演員合作，最初她都有顧慮：「始終佢哋得五歲，要佢哋記咁多嘢係好困難，但係估唔到拍咗一、兩日我已經唔擔心啦！佢哋直程係可以用專業嚟到形容，我冇當佢哋係小朋友，當正佢哋係普通演員咁樣交流。」

當中得到「校長」、監製陳木勝和導演關信輝一致好評，要算是飾演「嘉嘉」的小演員傅舜盈：「嘉嘉真係好厲害，有場戲講佢唔肯返學，我去佢屋企探訪，佢講番我聽點解時，唔單止啲對白記得好熟，NG喺邊度喊都得，仲喊得好淒涼，完全帶到我入戲。」這時剛巧「嘉嘉」入來，問她是否愛演戲，天真的她直言：「係呀！將來想好似『校長』咁！」「校長」當然滿意點頭。

為令小演員更投入，監製和導演要求現場全部工作人員以戲中角色稱呼，小演員早已習慣稱呼千嬅做「校長」。千嬅受訪期間，四個小演員入來跟「校長」說：「『珠女』跌親呀！」「校長」即緊張拖着她們出外看，「珠女」見到「校長」想喊，「校長」出手即時氹番，今日的千嬅果然湊細路有一手。